Məşhur detektiv yazıçısı və publisist Çingiz Abdullayev

Abdullayev Çingiz — məşhur detektiv yazıçısı və publisistdir. Yüksək intellektual səviyyəsi,fərqli dünyagörüşü və Dronqo obrazı sayəsində o çox məşhurdur.

Çingiz Abdullayev 1959-cu il aprelin 7-də Bakı şəhərində ziyalı ailəsində anadan olmuşdur. Ç.Abdullayev Bakıda 189 saylı şəhər məktəbini bitirmişdir.hələ məktəbdə oxuyarkən dərs vaxtlarında tarix və bədii əsərlər oxumuşdur.

Azərbaycan Dövlət Universitetinin hüquq fakültəsində təhsilini davam etdirmişdir (1976-1981). Əmək fəaliyyətinə Bakı istehsalat birliyində hüquq məsləhətçisi, böyük hüquq məsləhətçisi və şöbə rəisi kimi başlamışdır (1981). Afrika, Asiya və Avropa ölkələrində ezamiyyətdə olmuşdur (1984-1986). Sonra Bakı şəhəri Əzizbəyov rayonu icraiyyə komitəsində şöbə müdiri, KP Qaradağ rayonu komitəsində təşkilat şöbəsinin təlimatçısı, siyasi-maarif kabinetinin müdiri vəzifələrində çalışmışdır. 1989-cu ilin fevralından Azərbaycan Yazıçılar İttifaqının katibi olmuşdur. Beynəlxalq təcavüz problemi barədə dissertasiya müdafiə edib hüquq elmləri namizədi alimlik dərəcəsi almışdır (1988). Beynəlxalq cinayət problemi barədə doktorluq dissertasiyası müdafıə etmişdir

Azərbaycan və rus dillərindən başqa ingilis,italyan,fars dillərində bilir(türk dili barədə deməyə ehtiyac yoxdur).Güllə atıcılığı üzrə idman ustasıdır(gəncliyində Bakı çempionu olub)

Ümumilikdə 140 çox roman və povestin müəllifidir.Kitabları 27 dilə tərcümə olunub.Əsərləri ABŞ,Fransa,İsrail,Rumıniya,Britaniya,Bolqarıstan,İtaliya və s. ölkələrdə nəşr olunub(MDB ölkələri haqqında deməyə ehtiyac yoxdur).Kitablarının ümumi tirajı 26 milyondan çoxdur.Bu ədəd günü-gündən artır.

4 universitetin fəxri doktorudur,hüquq elmləri professorudur.Ailəlidir,iki övladı var(bir qızı və oğlu).Onun ilk kitabı Mavi Mələklər («Голубые ангелы») adlanır. 1988-ci ildə çıxan bu kitabın 3 il rəsmi çapa buraxılmağına qadağa qoyulmuşdur.

Çingiz Abdullayev öz əsərlərini özü kompüterdə yazır,informasiya texnologiyalarından yaxşı başı çıxır.Onun əsərlərinin çoxunun qəhrəmanı Dronqo adlı obrazdır.Dronqo Cənub-Şərqi Asiyada,İndoneziyada yaşayan quşdur.Çingiz Akifoviç o quşu görəndə o çox xoşuna gəlmişdi.Dronqo quşu heç nədən qorxmur və başqa quşların səsini imitasiya edə bilir.

Azərbaycanın ədabiyyatı tarixində ən gənc yazıçı kimi, 46 yaşında ilk Xalq yazıçısı(oğlunun Xalq yazıçısı olduğunu görmüş yeganə ata Çingizin atasıdır)

Çingiz Abdullayev həmişə bir partiyaya-Kommunist partiyasına sadiq olub,partbiletini də tullamayıb.O solçudur,pulun hər şeyi həll etmədiyinə və dünyada sosial ədalətin bərqarar olmasına inanır.

Onun ən yaxşı sözü yəqin ki budur: XIII əsrdə Dante “İlahi Komediya”, XIX əsrdə Balzak “İnsan komediyası”, XX əsrdə Con Qolsuorsi “Müasir komediya” yazıb, mən isə XXI əsrdə kriminal komediya yazıram.

Çingiz Abdullayev yalnız Dronqo,Marina Çernışeva,agent Yucin kimi obrazlarla tanınmır.O,həm də maraqlı hekayələr,povestlər yazır. Hətta detektivə aid olmayan bəzi povestləri daha çox yüksək qiymətləndirilr. Çingiz Abdullayev həm də Ukrayna prezidenti Viktor Yanukoviç haqqında da kitab yazıb. Ukraynada çox məşhur olan Çingiz Abdullayev eləcə də Rumıniyada Çauşesku,ADR-də kommunist rejimi və s. haqda kitablarında da faktik materiallardan geniş istifadə edib.

Maraqlıdır ki,o,əsərlərinin çoxunu öz yuxusunda görür. Ona görə də rahat yatmır.

Mənbə: https://kayzen.az/blog/yazar/1889/%C3%A7ingiz-abdullayev-akif-o%C4%9Flu.html