Aktyor və model Rüstəm Cəbrayılov

Rüstəm Cəbrayılov 8 iyun 1986-cı ildə Ukraynanın Luqansk şəhərində azərbaycanlı Abil və Sona Cəbrayılovların ailəsində anadan olub. Evin ən böyük övladıdır. 5 yaşı olanda ailəsiylə Bakıya köçüb. Azərbaycanda orta məktəbi bitirəndən sonra 2004-cü ildə Bakı Dövlət Universitetinin coğrafiya fakultəsinə daxil olub. 2008-ci ildə universiteti bitirəndən sonra coğrafiya müəllimi işləyib. Evlidir.

İlk dəfə modellik karyerasına 2005-ci ildə başlayıb, xoş bir təsadüf nəticəsində. Təhsil aldığı BDU universitetinə getdiyi zaman ona 2 nəfər yaxınlaşdı və dedilər ki, biz reklam çəkilişinə cəmiyyətin içindən insanlar axtarırıq, siz isə bu kateqoriyaya uyğun gəlirsiniz. Elə o anda da şəklini çəkib, nömrəsini də alıb getdilər. Bir həftədən sonra Rüstəmə zəng edib dedilər ki, sizi çox bəyənmişik və istəyərdik ki, sizinlə birlikdə çalışaq. O zaman ona televiziyada ölkənin ən böyük telekommunikasiya şirkəti olan «Azercell»in reklam çarxlarına çəkilmək təklif olunub. Bu uğurundan sonra ona «The Best Model of Azerbaijan» milli model müsabiqəsinin seçim turlarında iştirak etmək təklifi gəlib.

Mənbə: https://az.wikipedia.org/wiki/R%C3%BCst%C9%99m_C%C9%99bray%C4%B1lov