LIVE
AZ
TR
RU
EN
Kastamonu Universiteti tərəfindən aparılan və Kastamonunun qədim keçmişini aydınladacaq "KİBAYA" layihəsinin 2025-ci il mövsüm işləri Abana və Bozkurtda uğurla başa çatdırılmışdır.
Kastamonunun zəngin tarixinə dair yeni elmi məlumatlar təqdim edən "Kastamonu Vilayəti, İnebolu-Bozkurt-Abana Rayonları Çöl Tədqiqatı" (KİBAYA) layihəsinin 2025-ci il mövsüm işləri müvəffəqiyyətlə tamamlanmışdır.
Tədqiqat işləri Abana və Bozkurt rayonlarında həyata keçirilmişdir. Layihəyə rəhbərlik edən Kastamonu Universiteti İnsan və Cəmiyyət Elmləri Fakültəsi Arxeologiya Bölümünün rəhbəri dosent Dr. H. Asena Kızılarıslanoğludur. Layihədə Mədəniyyət və Turizm Nazirliyi nümayəndəsi qismində Amasra Muzeyi mütəxəssisi arxeoloq Ümit Kemal Parlak da iştirak etmişdir. Eyni zamanda, Kastamonu Universitetindən dosent Dr. Murat Eroğlu, müəllim Özgür Yeni, arxeoloqlar Berkay Kavak və Dilek Saraç da tədqiqat qrupuna daxil edilmişdir.
Mədəniyyət və Turizm Nazirliyi Mədəni İrs və Muzeylər Baş İdarəsinin icazəsi ilə həyata keçirilən layihə, Kastamonu Universiteti ilə yanaşı Abana Qubernatorluğu və Abana Bələdiyyəsinin dəstəyi ilə reallaşdırılmışdır. Altı nəfərlik tədqiqat qrupu Abana və Bozkurt rayonlarının kəndlərini addım-addım gəzərək, regionun qədim dövr tarixinə dair izləri araşdırmışdır.
Tədqiqatlar nəticəsində təxminən 2300 il əvvələ aid izlər aşkarlanmışdır. Eyni zamanda, Abana və Bozkurt Qubernatorluqlarının təşkil etdiyi görüşlər çərçivəsində kənd rəhbərləri və yerli əhali ilə bir araya gələrək, tədqiqatın məqsədi, əhatə dairəsi, mədəni irsin əhəmiyyəti və davamlı mühafizə metodları barədə maarifləndirici təqdimatlar edilmişdir.
Vasif Şükür
Mənbə: İXA
