LIVE
AZ
TR
RU
EN
Aydınlar.az xarici mətbuata istinadən xəbər verir ki, Cənubi Koreyada yerləşən Pohang Elm və Texnologiya Universitetinin (POSTECH) bir tədqiqat qrupu, mənfi 196°C ilə 600°C arasında həm elastikliyini, həm də möhkəmliyini qoruyub saxlayan yeni bir metal inkişaf etdirib.
Araşdırma, Materialşünaslıq və Mühəndislik Bölməsi, Dəmir Texnologiyaları İnstitutu və Maşın Mühəndisliyi Bölməsinin birgə əməkdaşlığı çərçivəsində aparılıb. “Yüksək entropiyalı ərinti” kimi tanımlanan bu metal, nikel əsaslı bir tərkib vasitəsilə istehsal olunub.
Tədqiqat qrupu bu innovativ material üçün “Hiperadaptör” adlandırılan bir anlayış ortaya atıb. Ənənəvi metallar temperatur dəyişikliklərinə qarşı adətən həssas olduqları halda, bu yeni ərinti -196°C kimi kriogen temperaturlardan başlayaraq 600°C kimi yüksək temperaturlara qədər sabit mexaniki xüsusiyyətlərini qoruyur.
Pohang Elm və Texnologiya Universitetinin Maşın Mühəndisliyi Bölməsindən professor Hyoung Seop Kim, onların hazırladığı yüksək entropiyalı ərintinin mövcud ərintilərin temperatur müqaviməti sahəsindəki sərhədlərini aşdığını bildirib. Kim deyib: “Bu yeni ərinti, ekstremal şəraitlərdə belə sabit mexaniki davranış nümayiş etdirən yeni nəsil materialların hazırlanmasında əhəmiyyətli bir addımı təmsil edir. ‘Hiperadaptör’ konsepti, temperaturdan asılı olmayan material dizaynı sahəsində yeni bir dövrün başlanğıcıdır.”
Yeni hazırlanan bu ərintinin xüsusilə raket və qırıcı mühərrikləri, avtomobil mator sistemləri, enerji stansiyası turbinləri və boru kəmərləri kimi sahələrdə əhəmiyyətli potensiala malik olduğu qeyd olunub.
Xəbər Müəllifi: Vasif Şükür
