Yeni aşkar edilmiş fosil quşların uçmağa necə başladığına dair yeni məlumatlar əldə etməyə imkan verir

Çində aşkar edilmiş qeyri-adi dərəcədə yaxşı qorunmuş tüklü bir fosil, quşların ilk dəfə necə uçmağa başladıqları barədə elm aləminə mühüm məlumatlar verməkdədir.

Aydınlar.az xarici mətbuata istinadən xəbər verir ki, təxminən 150 milyon il əvvələ aid olan bu fosil, dinozavrlar ilə quşlar arasındakı təkamülə keçid prosesinə aydınlıq gətirəcək önəmli bir tapıntı hesab edilir.

Fosil Fujianvenator prodigiosus adlı tüklü bir növü təmsil edir. Xüsusilə quyruq və qol tükləri ilə birlikdə döş sümükləri üzərindəki strukturların aerodinamik baxımdan uçuşa uyğun təkamül xüsusiyyətləri daşıdığı müəyyən edilmişdir. Bu xüsusiyyətlər, quşların təkamülündə “qanad çırparaq uçuş”un (powered flight) nə zaman və necə inkişaf etdiyini anlamaqda mühüm əhəmiyyət daşıyır.

Tədqiqatçılar bu canlının uçuş qabiliyyətinin hələ ilkin səviyyədə olduğunu, lakin süzmə və ya qısa məsafəli uçuşlar üçün yetərli ola biləcəyini düşünürlər. Bu tapıntı, quşların uçuşunun mərhələli təkamüllə necə inkişaf etdiyini və müasir quşların uçuş mexanizmlərinin mənşəyini anlamağımıza kömək edir.

Xəbər Müəllifi: Vasif Şükür